Biharko kondairak;

Argiurte anitzera dauden bi planeten artean gertatzen den bezela Ktesifonen ez zuten Iksoseko gatazkaren berri izan handik hogeitamasei urterarte, uhin elektromagnetikoek bi planeten arteko bidea egien zuten arren. Gudu hori izan zen Ktesifonen globalki jarraitu zen lehen kanpoko mezua, azken finean horrelako historioek nobela eta filmeek baino erakarpen handiagoa dute benetan gertatuak baitira; imaginatu lurrazpian bunker bat eraiki eta bertan hogeitamasei urte pasatzen dituzuela eta bapatean gainazalera itzuli eta barnean egon zarenetik burutu den berri emanaldi oro entzuten duzula, antzekoxea zen Ktesifondarren zirrara.

Egunero berri emanaldietan Iksosetik jasotako azken berriei buruzko laburpenak izaten ziren, irratian eztabaidak izaten ziren eta planetan zehar kirol ekitaldi batetako ikusleen antzera ikusleak Kratondar Berrien jarraitzaileen eta Mefistoarren aldekoen artean banatu ziren. Axaleko erreakzio honek ordea ez zuen Ktesifoneko erlijio nagusia aldatu, Mefistoarrak ziren nagusi, ez zen egia esan koloniako bigarren belaunalditik aurrera inongo arrasto Kratondarrik.

Ezer ikusgarririk gertatzen ez zen aldietan, bake aldietan edo, kanpoko berrien jarraipenak behera egiten zuen baina beti izaten zen erasorik, beti bataila eta hildakoen zerrenda amaigaberik. Hona emen laburpen moduko bat:

-Gerraren hasieran Kratondarrek berebiziko konkistak burutu zituzten, Mefistoar gehienak jazarri, heuren erlijioa inposatu eta planetaren hiru laurdenen kntrola lortu zuten, ur gezaren %95aren kontrola barne. Mefistoarrek Iksotar Askeen Gobernua eratu zuten ipar poloko lautaden inguruan. Lehen urte horietan Ktesifona iritsi zen informazio gehiena Kratondarren propagandaz kutsatua zen.
-Aliatesen semea hil eta Makedak gobernuaren buruzagitza lortu zuenean hogeitabost urte ziren iada gerrate zibila amaitu zenetik eta Kratondarrengan biguntze bat izan zen Mefistoar gobernuarekin negoziazioetan hasi zirelarik. Gobernuaren ahulezia dela eta Kratondarren ejertzituko buruzagi Flabiusek estatu kolpea jo eta Makeda eta bere sendi guztia, Aliates beraren oinordekoak, exekutatu zuen. Gerra izan zen Kratondarrenean.
-Mefistoarrek etsaiaren ahuleziaz baliatuz ur erreserba anitz zituen eskualde bat hartu zuten eta piskana piskana Iksotar Askeen Herriak kolpea itzultzeko prestatzen hasi zen izurrite batek zartatu zituen orduan. Ejertzitu Kratondarrak asmaturiko arma biologiko batek Mefistoarrak zapaldu zituen baina bere asmatzaileen zoritsarrerako Kratondoarren artean ere gaitza zabaldu zen.
-Gaitza kontrolatu zenerako bi alderdiak ia akabaturik zeuden, Iksosek biztanleriaren %65a galdu zuen. Bi alderdiek 70 urte iraungo zituen bake ituna sinatu zuten.
-Kratondarren artean errepresioa nagusitu zen artean Mefistoarrenean berpizkunde teknologiko eta kultural bat izan zen azkenean tregoa ahutsi eta eraso bortitz bat burutu zuten. Kratondoarren biztanleriak erasotzaileak barnetik lagundu zituen eta horrela amaitu zen Kratondoarren agintea. Kratondoarrak handik zenbait urtera galdu zuten azken bataila eta espazioan zehar barreiatu ziren bi ontzi kolonizatzaileetan, bi ontzi horietako bat Ktesifonerako bidean zelarik, 250 urte inguru ziren Aliates jaio zenetik.

Ekbatana - alpha 14.956.902 - Gunaira

Ktesifongo lehen historiako bilakaera alde batera uzten badugu jo dezagun kolonia hontako historiako gertakari zirraragarrienetako batera. Goizago hala beranduago izaten da planeta orotan, posible den arren ez dut salbuespenik ezagutzen, gerraren bat. Gizakien baitan ote da gudua eta sarraskia, krudeltasuna, odola, urruneko erasoak, gorpuz gorpuko borroka. Gu androideok gizakien pareko sentimenduak ditugubaina ez ditgu oraindik ondoegi ulertzen gizakiengan diren argi-iluntasun ukitu horiek, gu habilagoak gara gauz gehientsuenetan sormen ahalmenean ezik baina ez dugu biolentziara jotzeko joera hain sustraiturik (askok, eta hitzegingo dut horri buruz aurrerago, kontrakoa badio ere). Joko dut ere aurrerago bi bizi formen arteko ezberdintasunak azpimarratzera. Kolonien lehen milurtean edo ez da izaten gatazka nabarmenik, boterea lortzeko borrokaren bat, errekurtsoen banaketaren inguruko hika-mikak, propietate pribatuen mugak... baina denbora pasa ahala koloniako gizartea konplexuagotu ahala beste moduko eztabaidak sortzen dira. Hiri bakarretik bi hiri nagusi izatera pasatzen da eta ondoren gehiagora eta handik planeta bizpairu lurralde administratibo ezberdinetan banatzera... Ktesifonen ezzen banaketen eta bestelakoen inguruko batailarik, arlo hontan Ktesifon salbuespena izanen da, gatazkaren jatorria Ktesifongo kasuan planetatik kanpo zegoen, jatorrizko Iksoseko metropolian.

Iksosek Artajerjes II.a espaziontzia bidaltzearekin batera eta planetak biztanleak bateraturik manten zitzakeen helburu gorenik ez zuenez aspaldi alde batera utziak ziren hika mika erlijiosoetara itzuli zen. Alde batetik Mefistoarrak zeuden eta bestetik Kratondar Berriak. Kratondar Berriak buruzagi erlijioso gazte baten esanetara bilduriko talde txiki eta itsuraz baketsua zen. Mefistoarrak ziren gehien eta Mefistoarra zen ere planetaren gobernua baina Kratondoarren buruzagi berriak heuren doktrina eta kondaira guztiak bildu zituen eta esahera zahar Kratondoarrak biltzen zituen liburua idatzi zuen, buruzagi honi Aliates esaten zaio eta liburu honen izena Alía dugu. Kratondoar Berrien itsura baketsua bazen ere gizarte sekretu baten moduan han eta hemen taldeak osatu zituzten, piskana piskana heuren fede eraberritua gizarte Iksotarrarreko pertsonaia eraginkorrenen artean zabalduz joan zen azkenean gobernu buru berak estatu kolpea jo, Mefistoarrak jazarri eta sekulako sarraskia burutu zuelarik. Mefistoar rak planetako Ipar polo inguruan bildu ziren eta bertan Kratondoarrei kolpea itzultzeko prestakizunak burutu zituzten, Mefistoar eta ateoek berrehun eta berrogeitamar urte behar izan zuten planeta osoaren kontrola berreskuratzeko, Kratondoarrak deuseztu zituzten orduztik ez da Iksosen Mefistoarren erlijioaz beste izan.

Mefistoarren eta Kratondarren arteko gatazka ez zen hala ere Iksos planetan soilik izan, Aliatesen biloba zen Makedak bere aitonak zabaldutako fanatismoari jarraiki Iksoseko gehiengoaren kontrola lortu zuenean fede eraberritua espazioan zehar barreiatzea erabaki zuen eta hiru ontzi kolonizatzaile presta zitzatela agindu zuen. Mefistoarrek boterera itzuli zirenean Alía-ren kopia oro suntsitu bazuten Epsilon sektorera bidalitako mezu-zundari esker Makedaren gobernuan zehar espaziora igorritako mensaia erlijiosoa jaso ahal izan da. Hiru espaziontzi kolonizatzaile horietatik bi soilik eraiki ziren, lehena Abdera izeneko planeta berri batera bidalia izan zen bigarrenak Mefistoarrek Iksos planetako gainazal osoaren kontrola berreskuratu zutenean alde egin zuen Iksosetik Ktesifonera bertan heuren fedea zabaldu nahiean. Bigarren kolonizazio espaziontziaren ondorioz izan zen Ktesifongo lehen guda erlijiosoa.

Ekbatana - alpha 14.956.901 - Gunaira

Planeta baten lehen kolonoei buruzko historiak, izkribu eta kondairak beti izaten dira dramatikoak, beti ageri da miseria, gogortasuna, lana. Kondairetan lehen biztanleak inongo eragozpenen aurrean amore ematen ez duten supergizonak dira. Ktesifonen kasua da hau ere. Ktesifongo kondairetako batean azaltzen zaigu lehenekoz Galiano. Indusketetan aurkitu den bezela bere benetako izena Gandas zen, Iksosetik iritsitako teknikari umezurtza. Gandas edo Galiano bidaian zehar ezkondu zen eta Ktesifona iritsi zenerako bazuen emazte eta bi semealaba edadea hirurogei urte ingurukoa zelarik. Ipuiek diotenez Ktesifongo lehen urtegia eraiki zuen. Lehen urtegi ura eraiki zuenekoa oso zihurra ez bada ere (indusketetan azaldu den urtegi zaharrena bi mende beranduagokoa litzateke). Urtegiaren kontu horri esker edo Galiano izan zen Ktesifongo lehen gobernu egonkorraren buru.

Ktesifonen aurkitu den eraikin zaharrena komunikaziorako pabilioi bat izan da, aspaldi harriz harri desegin zuten eta Ektbatanara eraman, han da oraindik ere, belardi baten erdian, mezugintzako fakultatearen kanpoan.

Iksosen Artajerjes ontzi kolonizatzailetik bidalitako mensai zenbait gordetzen da oraindik, disko hastun erraldoi batzuetan aurkitu dira bai eta Ktesifongo lehen gobernuak Iksosera bidalitako titaniozko kapsula bat. Gaur egun kapsula bera soilik kontserbatzen bada ere ba omen zituen barnean kolonia berriari buruzko lehen berriak: Hiri bat fundatu zutela (Artajerjes ontziaren omenez) eta hasi zirela iada lurren banaketarekin.

Eren - alpha 14.956.900 - Gunaira

Gandas logela txikiko ohean etzan zen, malkoek burutu zuten iada kanporako bidea. Oraindik Iksosetik alde egin izanaren damu ez bazen ere laister damutuko zela uste zuen. Tamalez berandu zen atzera itzultzeko, espaziontziaren bizi baldintzen zaintza sistemaren arduradun izango zen Iksosen sistematik alde egin bezain laister, ordurartean aproximazio taldeak zuen ontziko atal guztien ardura.

Ohearen ondoan pareteko kontrol panelerko botoi bat sakatu zuen, ontziko irratiaren sintonia entzun zuen lehenekoz;

"Irten ginenetik hamasei ordu igaro dira; Ez ahaztu, guztiek ikasi bezela ontziaren aktibitatea etzidamu hasiko dela eta ordurartean bidaiariek ez dutela euren bidai-solairuetatik irten behar.

Jarraian Askatasun Itunaren irakurketa entzun ahal izango duzue:

-Iksos planeta zerutarrak, historia gloriotsuak, Iksoseko herriak eta halabeharrak eskaini bezela Artajerjes ontziaren tripulazioari eta heuren oinordekoei Ktesifon mundu berrian heuren arbasoen legeei jarraiki lurren banaketa burutzeko ahalmena egozten..."

'Beti berdin, gizakiak burokrazia barreiatzen du espazioan zehar bere beste asmakizun guztiekin batera!' Pentsatu zuen Gandasek. Gizakiak handik hona daramatzan bekatu eta birtuteei buruzko erreflexioari ekin behar zionean gelako ataskaren txirrinak errealitatera itzularazi zuen. Atea ireki zen kanpoan gizon beltz altu bat teknikari uniforme zikin bat jantzirik zuela zegoen:

-Gandas izanen zara zihurrenik, ez al da ala?
-Ba, .. Bai, noski!
-Zure beharra dugu, matxura bat izan da aire berrikuntza sisteman!

--- ---

Planeta zaharra espaziontziko lehiatilean txikiagotzen ikusi zuen; anezkak espazioportu orbitaleraino gainazaletik igo zuenean ez zuen oraindik bere arbasoen lurraldea sekula berriro ikusiko ez zueneko sentsaziorik. "Bihar edo etzi pentsatuko dut ' Atzo oraindik Iksosen nintzen' baina oraindik guztiak arruntegia dirudi, isiltasuna nabari da nire bidaikideen artean" esan zion bere buruari aurreko egunean, orain bera zen isilik, bera zen triste begietatik malkorik irteten ez bazitzaion ere. Haseran abiada ez zen handiegia, planetak bere hortan jarraitzen zuela zirudien, gero, piskana, abiada hartu ahala, planeta urruntzen joan zen, bi egun igaroko ziren izarrekin nahasten hasi harte baina iada ilargi baten tamainakoa zirudien.

Gandas bere gelaskara itzuli zen, bikoterik gabe bidaiatzen zuen biaiari eskasetakoa zen, azken finean teknikaria zen. Gandas ez zen inongo exiliatu politiko ez eta abenturazalerik. Gandas umezurtza zen eta teknikari trebea, lagun gutxi batzuez gain ez zuen Iksosekiko lotura berezirik, agian hori dela eta aurkeztu zen bolondres.

Espaziontziaren izena Artajerjes zen eta berrehun eta berrogeitamar bat urteko proiektuaren ondorioa zen, Kratondoarren errebolten ostean argi zegoen planetak gerra zibilean ez erortzeko erlijioaz beste helburu gorenik behar zuela. Goizago hala beranduago gizarte aurreratu guztiek jotzen dute kolonia bat hartzera eta Ktesifon zen kolonia hura. Hiru misio errobotiko bidaliak ziren iada Ktesifona terraformazio prozesua ekin eta sustratu biologikoa garatzera. Urte guzti horietan proiektua behin baino gehiagotan kolokan egon bazen ere alde egin zion azkenik Artajerjesek Iksoseko grabitateari eta hemezortzi argiurteko bidea zuen hogeitamar urte inguruan burutzeko.

-- --

Ktesifon eta Ekbatanaren bateratzearen aurrekoak azter ditzagun, hau da, nolakoa zen inperio aurreko Ktesifon?

Ktesifon Iksos planetaren kolonia bat zen kolonia gehienen antzera bere metropoliaren zeinuak oinarri zituela hauekiko zenbait desberdintasun garatu zituelarik. Iksos planeta Seta deritzan konstelazioan dagoen planeta da eta kolonia bat eratu zuenez garatua behar zuen oso. Gaur egun Iksos zentru industrial garrantzitsu bat dugu baita ere. Iksosen jatorria ez dago oso argi bere fitxategi gehienak duela 5000 urte inguru gertaturiko gerrate zibil batean galdu baitziren. Ktesifon kolonizatu zuen Iksos nolakoa zen hala ere imagina dezakegu gaurdaino iritsi zaizkigun arrastoengatik. Iksos planetaren urtea 0,95 urte estandar dira, batazbesteko tenperatura 291ºK eta berebiziko ezetasun maila du bere gainazalaren erdia estaltzen duen itsaso eta laku sare gezen ondorioz. Gaur egun Iksosek bi hiriburu ditu, bi estatuk osatua baitago, Ipar poloko eskualdean Abdera eta gainantzeko lurraldeetan (ekuatorea barne) Bisos; Ktesifon fundatu zenean ordea Iksos estatu bakarreko planeta zen eta Bisosetik irten ziren Ktesifonerako expedizioak.

Ktesifonek bi ezaugarri nagusi hartu zituen bere metropolitik: erlijioa eta gobernu sistema.

Erlijio aldetik Iksosen bata bestearekin etengabeko hika-miketan zebiltzan bi erlijio zeuden, Mefistoarrak alde batetik espazioko materia bizigabe oro izaki goren bat osatzen zuela ziotenak eta bestalde Kratondarrak Hotz eta Bero izeneko bi jainko nagusi existitzen zirela ziotenak. Hotz eta Beroren arteko borrokaren ondorio zen guztia eta jainko nagusi bi horietako bakoitzak bere gorte eta azpijainko kuadrilla berezia zuen. Espazioan zehar bidaiatzeko ahalmena duten gizarte gehienetan bezela bi erlijioekin batera ateo talde txikiak bazirela uste da. Ktesifonera joandako kolono gehienak Hotz eta Beroren jarraitzaileak ziren eta belaunaldi bietan edo Kratondaren esana Ktesifongo erlijio bakar bihurtu zen.

Iksoseko gobernu sistema errepublika alaniarra zen errepublikaren buruan bi agintaridun hamar epaileren batzarra zegoelarik; batzarreko kideak parlamentu bakar batek izendatzen zituen. Legeen arabera batzarreko kideak ezin dira politikariak izan eta urte askotako lanaren ostean izenon eta zuhur fama lortu duten profesionalak izan behar dute (legeek hala dioten arren salbuespen ugari izan da). Beraz errepublika alaniarra izan zen Ktesifongo lehen gobernu sistema.

Bi ezaugarri hauez gain Ktesifongo historian eragin gehien izan duen sendi baten aurrekaria iritsi zen Bisosetik Ktesifonera, dinastia luze baten fundatzaie hau Gandas zeritzan gizasemea zen.

Eren - alpha 14.956.893 - Gunaira

Aldendu gara azkenik sistema likitz hontatik, Ekbatanarako bidean gara behingoz berriro ere egi baino gezur gehiago idatzi ondoren. Kronista hitzak iada ez du inongo errespeturik merezi, zerbait egin behar hala ere sistema osoko gainbehera iristen den artean.

Inperio zaharraren hasiera duela 3200 urte inguru kokatzen da. Zehatz mehatz 13.790.045 data da inperio zaharraren sorreraren data ofiziala (Bada benetako inperioa bi mende beranduago sortu zela dioen historialaririk). Zer gertatu zen egun hartan? Bada giza historian lehen aldiz sistema ezberdinetan zeuden bi planeta aldi berean agintzen zituen instituzioa eratu zela.

Haseran ofizialki kolonia guztiak Ur planetaren kontrolpean zeuden. Laister ordea distantzia dela eta koloniek independentzia derrigorrezkoa zutela ikasi zuten, Ur planeta mitikoa zen guztien iturri eta kultura guztien jatorri baina ez zuen bere aginduak betearazteko herramintarik, argiurteak luzeegiak ziren. Espazio bidai arinen ezintasuna zela eta koloniak konkistatzeko arrazoiak asko murriztu ziren. Helburu nagusia jatorrizko planetan toki eta errekurtsorik ez zuen biztanleriaz libratzea zen. Beste helburuetako bat zientzia eta esplorazioa izan zen, jatorri zientifiko eta esploraziozkoa duten koloniak eskasak badira ere badira hamarren bat behintzat. Kolonoen tripulazioek planeta berriarengan erabakiak hartzeko eskubidea egozten zien dokumentuak jasotzen zituzten, ''askatasun itun'' izenez ezagutzen dira dokumentu hauek. ''Askatasun itunak'' jatorrizko planetek heuren kolonoen lurrak kontrolatzeari uko egiten ziotela zioen, horren truk kolonoek jatorrizko planetaren moldeko gobernu eta sistema ekonomikoa ezartzea sinatzen zuten. Kontratu moduko honen betetzea bermatzeko instrumenturik ez zen arren kolonoek gehienetan jatorrizko gizartearen antzekoa eratzen zuten erlijioa bereziki mantentzen zelarik. ''Askatasun itunek'' komunikazioak mantentzeko protokoloa ere zeahzten zuten hala nola kolonian buruturiko aurkikuntzak metropolira igortzeko konpromezua.

Gauzak horrela koloniak oso nohizean behin sortzen ziren eta asko eta askok ez zuten bi mende baino gehiago irauten. Bi mendeetako epea irauten zuten kolonia gehienek ordea indartsu bilakatu ziren zenbaitek beren kolonia propioak eraikitzen zituztelarik, horrela hasi zen inperio zaharra.

Gaur egun ia biztanlerik ez duen Ktesifon planetak errekurtso asko zituen, teknologia aurreratua eta urtez urte haziz zihoan biztanleria. Ktesifon aurreratua zen eta kolonia bat sortzeko garaia heldu zitzaion. Urte ugari planeta aproposaren bila igaro ondoren berebiziko aurkikuntza burutu zuten, bazen handik gertu beste izar sistema bat, argiurte erdira, eta sistema horrek bazuen bizia sustenga zezakeen planetarik, planeta honi Marduk izena egotzi zioten, gaur egun Ekbatana izenez ezagutzen dugun planeta hain zuzen. Bata bestearengandik urbilen dauden planeta bizigarriak ditugu baita gaur egun ere. Kasualitatez bi planeten arteko bidea urte bete baino denbora laburragoan burutu liteke eta beraz Ktesifonek ez zien kolonoei ''askatasun itunik'' eman, horren ordez Ktesifonen alboko planeta konkistatzeko ejertzitu bat eratu zen, Ktesifongo gobernuari leiala izango zena eta independentziarik desiratuko ez zuena.

Baziren lehenago bi planeta zituzten gobernuak, sistema berean bizia manten dezaketen bi planeta aurki baidaitezke baina oroar bi planeta horietako baten baldintzak ez dira erosoak izaten eta horrelako bigarren planetei ez zaie sekula etekin handiegirik atera. Ekbatanaren kasua ordea bestelakoa zen oso, Ktesifon bera baino hobea zirudien errekurtso gehiagorekin, planeta urtarra zen, hau da, azaleraren gehiengoa urez estalia zen jatorrizko Ur planetaren antzera.

Ktesifon eta Ekbatana planetak izan ziren, gobernu bera izan zuten sistema ezberdineko lehen planetak, eta biak inperio zaharraren muina eratu zuten.

Sinibisgo II. ilargia - alpha 14.956.890 - Gunaira

(jarraipena)

Galaxia erdia nahiko sakonki meatu den arren ez da oraingoz jatorrizko planetan oinarria duen biziaz beste bizirik aurkitu, hau da sistema biologiko bakarra ezagutzen da. Sistema biologiko bakarra ezagutzeak ez du bizi forma bakarra ezagutzen denik esan nahi, bestelako bizi horiei bizi forma logikoak deritzaie.

Inteligentzi artifizial garatua lehen espazio bidai luzeekin batera azaldu zen, zihurrenik Ur planetan edota lehen kolonietako batean. Lehen makina bizi horiek, kontrobertsia izugarria izan da beti makinei bizi adjetiboa egozterakoan, izaki bizidunen nerbio sistemak simulatzeko programaturiko superkonputagailuak ziren. Kondairen arabera behin eta berriro agindu ostean itzaltzeko agindua betetzen ez zuen superkonputagailu bat izan zen lehen logikoa, tradizioz Gilgames izen mitologikoa egozten zaio lehen makina bizi horri. Gilgamesen ostean izakien beste koalitate eta eginkizunak betetzen zituzten makinak azaldu ziren. Gizakia eredutzat hartuz zirkuitu biologikoak garatu ziren gaur ni neu bezelako prozesu zentru anitzen konexio bidez funtzionatzen duten androide zibernetikoak ahalbidetuz. Izaki logikoak oso garrantzitsuak izan dira planeten terraformazio eta kolonizatzean izaki bizidunek beharrezkoa duten ingurunea sortzera bidaltzen baitira.

Nire antzeko lehen izaki logikoak duela 3500 urte inguru asmatu ziren.

Sinibis - alpha 14.956.887 - Gunaira

(jarraipena)

Lehen espazio bidai eta koloniekin sortu zen bada gaur egun mezugintza izenez ezagutzen dugun zientzia. Milurte zenbaitetan espaziontzien abiadura argiarenera urbiltzen joan zen eta bidaiariek geroz eta argiaren abiaduratik urbilago bidaiatzearen ondorioak jasan zituzten helmuga jotzen zutenean diskrepantzia tenporalek espaziontzien abiadarekin bat gora egin baitzuen. Duela 3000 urte inguru aintzinako teknologiaren azken urteetan espaziontziak 0,9c abiadaraino iritsiak ziren abiada hauek mantendu eta hauts interestelarraren igadura ekiditeko beharrezkoak diren teknika eta makinak asmatu zituztelarik. Gaur egungo ikuspuntutik aintzinakoak gurpil karratuak zituen gurdi bati tiraka zebiltzala dirudi, teknologikoki aurrerapauso itzelak burutu bazituzten ere ez zuten eredu fisiko bateratutik haratago ikusterik, gizakia Ur planetatik irten zenetik erabilitako sistema bateratuaren preso ziren alegia.

Duela 3000 urte espaziontziak lehen bidaietan baino askoz azkarragoak baziren ere sistemen arteko aldea ikaragarria zen oraindik eta gizakiaren espazioan zeharkako hedatzea kaotikoa zen oso. Ur planetaren arrastoa galdua zen iada, koloniek kolonia berriak eratu zituzten eta hauek kolonia gehiago, gizateria galaxiaren zati txikito batean edatutako nukleo batasun gabeetan bizi zen. Kalkuluen arabera duela 3000 urte baziren iada 400-600 kolonia inguru bakoitzak beste 10 kolonien berri soilik zuelarik gutxi gora behera (badira salbuespenak noski baina oraindik goiz da horietaz hitzegiteko).

Fiskikaren arloan gizakia estankaturik bazen ere bada beste puntu bat non gizakiak asko aurreratu zuen: Robotika;

Sinibis - alpha 14.956.886 - Gunaira

(Sinibisen gara azkenean, anezkatik irten gara behingoz! Sistema kaxkar hontako laugarren planetak ez du inongo baliorik, kolono gutxi batzu bizi dira soilik, tropek erdia edo hil dituzte iada. Kronista guztiek uste genuen bezela benetako gatazkatik urrun mantentzen gaituzte, garrantzi gabeko kanpaina arrakastatsuek morala goratzen dute baina horrek ez du gerrarekin zerikusirik; zer gertatzen ote da Leoigo sektorean?)

Ur planeta non den alde batera uzten badugu argi dago bertatik irteteko gizakiak industria eta teknologia garatu zituela eta espazioan zehar zabaldu zela. Espazio bidaien hastapenetan zihurrenik sistemen arteko bidaiak gizakien bizi osoa ziruauen bidaiarien seme edo bilobek helmugako planeta kolonizatzen zutelarik. Lehen koloniek ez zuten ia inongo kontakturik jatorrizko metropoliarekin. Denbora luzez kolonia eta metropoliek bata bestearen komunikazioen ondarrak jasotzen zituzten besterik ez, hau da planetek heuren sateliteekin buruturiko komunikazioetarako igorritako seinaleak jasotzen zituzten hauek igorriak izan eta handik hamarren bat urtera. Noski noizehan behin mezu zuzenak igortzen zituzten heuren artean gortesiazko agurrak eta antzekoak, bata besteari buruzko informazioa etab. Hala ere mezua bidaltzerakoan erantzuna iristerako hogei edo berrogei urte pasako zirenez komunikazio hauek ez ziren sekula arinak izango.

Eren - alpha 14.956.885 - Gunaira

I -- LEHEN ATALA, inperio berriaren aurrekoak;

a)Biziaren jatorritik inperio zaharreraino;

Nola ekin gaurdaino iritsi zaigun historiaren ariaren bidea kontatzeari? Bada gizakiaren jatorriaz hitzegiten has gintezke. Oso argi ez dakigun arren, jakin badakigu planeta urtarrak ezagutzen dugun jarraipide biologiko bakarra sustengatzeko gai direla eta beraz bizia ur anitz zuen planeta batean hasi zela esan dezakegu. Jatorrizko planetari ''Ur'' deritzaio zihur dakigun gauz bakarra urtarra zela baita.

Bada jatorrizko planeta bat baino gehiago dela dioenik, horrelako teoriak zahar askoak diren arren argumentu indartsu bat bada teoria hauen kontrakoa, ezagutzen ditugun izaki guztiek, baita landareek ere informazio genetikoa kodifikatzeko sistema bera darabilte, espiral formako proteina kate luzeak alegia. Zilegi litzateke horrelako sistema planeta batean baino gehiagotan hastea.

Aurreko bi datu horiez gain, hau da planeta urtarra zela eta bakarra gainera, ezer gutxi esan dezakegu honi buruz. Teoria ugari da, asko idatzi izan da gai honi buruz, indusketa arkeologikoetan aurkituriko giza arrasto zaharrenak galaxiako hiruzpalau zonaldeetan daude guztiak epsilon kuadrantean gure sistemako elebazio handiena duten planetetan alegia. Epsilon kuadrantean legoke beraz Ur planeta, hala ere galaxiaren zein koadrantean dagoen jakitea ez da aparta, galaxia hain itzela baita!

Ktesifon (Eren) - alpha 14.956.884 - Gunaira

(Kteifonen jarraitzen dugu bihar goizean harri nazkagarri hontatik alde egin eta laugarren planetara joateko asmoarekin, tropek burutu dituzte beharrezko sarraskiak, frontea ikuskatzeko garaia iritsi zaigu antza denez!)

Ktesifon Ishtar sistemako bigarren planeta da, ilargirik gabeko planeta, ia bizirik gabeko harria. Anezkak atzo hartu zuen lur, atzo itzali genituen argi gehienak, argi berdexka horiek ezik. Kronistak, agintaritzaren baimena dutenak behintzat, tropen atzetik ibiltzen dira kanpainak hasten direnean, hau da retaguardian. Aspergarriena zera izaten da, gehienetan, beti egia esan, ez da gertatzen gure aldizkarietan irakur daitekeen gertakari heroikorik, kronista guztiek gezur apropos bat adostu ondoren guztiek gai beraren inguruan gezur txikiagoak asmatzen ditugu zuhaitzaren enborrari adar eta adaxkak hazten zaizkionean bezela errealitatearen luzakinak eraikitzen ditugu. Gezur horiek asmatzeko zorian gara orain. Bene benetako harriskutik urrun gara eta hala ere segurtasun neurriak zorrotz bete nahian edo anezkako kapitainak argi guztiak itzali ditu, bai eta beharrezkoak ez diren zirkuituak moztu, ez dut paranoia hau sekula ulertuko.

Kronisten manipulazioa ez da beti gaurkoa izan hala ere, nire adinekoek jakin badakite aintzina gauzak oso bestelakoak zirela, noski, inperio berriaren lehen urteak ziren, ilusioz beteak. Urte luzeetako kaosaren ostean gizon bakar baten agindupean galaxiaren zortziren hontan bakea nagusitu zen. Salamasar-ren tronuratzearen oroitzapenik ez dut iada. Garai hartan bizirik negoen, nire izatearen lehen aroaren erdialdean; oroitzapenik ez dudan arren gorderik ditut garai hartako kronikak eta idazki guzti horietako zenbait nireak direlakoan nago. Gogorra izaten da noizean behin memoria ustu behar izatea!

Ktesifon (Eren) - alpha 14.956.883 - Gunaira

Espazio anezka zaharrak gogoko ditut, espazio anezka eta espaziontzietan bizi izan bainaiz aspaldidanik, metalezko xafla eta hodiak ni eta espazio beltz hutsaren artean besterik ez, soinurik iragaten uzten ez duen espazio isil hori! Bortitzkeri ugari da sektore hontan azkenaldian, eraso eta bonbardaketek nire amaiera propioa gertu dela gogorarazten didate; nire zirkuituetako korrontea ahula da iada, ez dute nire osagaiek konponbiderik, ez eta bizitzen jarraitzeko gogorik, bizirikoa izkribatu nahi dut, bizirikoa margotu eta koloreztatu espazioan aldi batez sikira kontserba dadin... nadin... gaitezen azken finean!

Beno, baten batek zioen bezela sine ira et studio!

Eren - alpha 14.956.881 - Gunaira